還記得小學時期，每晚都準時看《都市笑口組》！劉汗、金桔、李富貴“笑口組鐵三角”簡直是我童年的偶像！雖然我壹直都好頂唔順個背景板，但系《笑口組》勝在有壹班出色嘅演員！無論邊個都可乸型可麻甩，可細路可老坑！演技冇得彈！今日就同大家簡單介紹下阿咩最鐘意嘅三位主演：劉汗、金桔、李富貴。
劉汗 ?真名：劉雲明
演藝經歷：《喜氣洋洋豬八戒》、《七十二家房客6-10季》、《笑口組主題曲“笑崩牙”樂壇》、《乘龍怪婿1~4》、《放學我當家1》、《放學我當家2》、《跟紅頂白大三元》《家大歡喜》第二季、《放學我當家3-5季》、《同居男女》、《蔡李佛拳2010》、《東成西就2011》、《桌桌有娛》
劉汗大學學嘅系播音主持，畢業後劉汗最初做嘅系健身教練，後來入咗南方電視臺，主持過《食指大動》、《霓裳麗影》、《我愛返尋味》、《亞運沖鋒號》、《為愛向前沖》、《城事特搜》等節目。
唔好以為劉汗肥肥大大咁，做過健身教練嘅佢，操Fit之後型到妳唔信！
金桔 ? 真名：胡向真
演藝經歷：《都市笑口組》飾金桔、《我愛返尋味》、《粵夜粵娛樂》主持人、《全城熱戀》、《現場直博》主持、《奮勇爭先娛樂圈》主持、電視劇 《暖男老爸喜洋洋》飾吳溫柔
聲音清脆、性格爽朗、主持風格明快，好受聽眾喜愛，被大家稱為“小珍珠”。主持嘅《飛星國際》除咗延續《飛星傳真》嘅輕松、幽默外，更加入成熟、睿智元素，令節目更具可聽性。笑口組裏面嘅金桔，成日都要自毀形象，但系現實裏面，金桔系壹個靚到爆鏡嘅大美女！
李富貴 ? 真名：張鵬
演藝經歷：《都市笑口組》飾演 李富貴、《乘龍怪婿》飾演武德訓、《七十二家房客》飾演蔡廣財（西洋蔡）、《笑公堂》等。
唔講唔知，原來富貴出生於醫生世家，喺廣州畀人叫做“醫術最好嘅演員”！大學畢業後富貴壹直喺醫院工作，同時都喺電臺兼職，主持《美食情報》。後來加入《都市笑口組》仲辭去收入穩定嘅醫院工作。