1. 啊嬸接啊姆，阿姆幾時來？來做乜？來斟茶。俾乜斟？俾個銀花碗仔斟。銀花碗仔有粒沙，大個佬，騎白馬；三呡仔，騎冬瓜。
2. 天井仔，種蔸菜，朝朝剝葉朝朝開，大姐有錢換季仔，小娣讀書換季財，冇錢吇打凳仔，有錢吇打轎擡，擡到門樓狗仔吠，第壹雞啼翻起身，第二雞啼梳靚辮，第三雞啼抲拜老爺放死蛇。
3. 天井仔，種兜菜，朝朝剝合朝朝開。大姐績麻換豬仔，小弟讀書望秀才。
4. 藤酸仔，滿山紅。有人富貴有人窮，有人纜籃去等圩，有人擔梆出田中。 田中有個新阿嫂，脫下紅裙去薅草。
5. 阿公去插禾，阿婆撿田螺。撿幾多？撿三籮。俾籮換米煮，俾籮換柴燒，剩返壹籮自家吃。
6. 紅粉女，石榴花， 石榴花下曬紅裙，翻翻覆覆曬唔著；阿媽愛男唔愛女，左手抱男撥女開。
7. 雞公仔，尾彎彎，做人媳婦真艱難！幾早起身都話晏，眼淚未幹下田間。睇到田間有個冬瓜仔，問聲安人蒸或煮？安人話蒸，老爺話煮。蒸蒸煮煮唔中意，拍起枱頭罵過朝。三朝打斷三條棍，四朝跪爛九條裙。
8. 難呀難，麻籃擔水上高山——上得快來又跌倒，上得慢來水又冇。
9. 牛呀牛，問妳愁唔愁！又要耙田下谷種，又要駛田種芋頭。
10. 早耕早鋤，耕田好禾。有粘有糯，滿處姨婆。
11. 斑鳩鳩，樹頭樹尾跑。斑鳩有錢花頸領，喜鵲冇錢白塊補肩頭
12. 春花李，李樹開。啊媽妳毋愁。我過兩年擔得水，再過兩年睇得牛。
13. 落水仔，抲帽戴，阿媽打，阿婆制。阿公返來眼睨睨。
14. 劃龍船！劃龍船！劃得快，好世界，米又平，仔又大，娶齊新婦女嫁嗮。
15. 春花李，李樹頭阿媽您毋愁！養大女，睇黃牛；養大仔，開鋪頭。
16. 未娶新婦心記記，娶到新婦壹肚氣。
17. 耕田唔好犁，娶著唔好妻， 累死我半世。” “反草唔好棍，嫁著唔好君，累死我青春。
18. 有女毋嫁做餅郎，三年唔昏倒半年床！有女毋嫁耕田人，滿腳牛屎滿頭塵！有女要嫁金山客，打轉船頭百算百！
19. 銀仔白，金仔黃，唔好哥哥花清光！賣田拆屋唔夠使，爺娘痛哭嫂投塘。
20. 阿鵲喳喳，哭回娘家。爸爸唔在家，告訴阿媽媽：媽呀媽，妳個女兒命唔好，嫁個丈夫不成材——又抽煙，又打牌，三天不買米，四天不買柴。
21. 睇牛仔，真崎嶇！吃碗冷飯淘清水，眼淚流流亦要去。接轉牛繩鬧幾句，接轉犁尾唱木魚。
22. 打開東，打開西，打開東南西北水唔來。有人落到長江海，無人灑我新寧睇牛仔；有水落到長江渡，無水灑我新寧睇牛奴。
23. 年望年好，年年割山草！
24. 麻雀仔，嫩滋滋，妳媽銜蟲養大妳，爬上墻頭講能持！
25. 細老哥，毋搞家！買只船仔同妳撐。撐得快，好世界；劃得慢，做龜蛋。
26. 賞月光，賞月明，年年賞月我聰明，禾胎大條谷大線！
27. 落水微嗏擔雞賣，條條雞尾嗱嗮泥。。。。。。（缺）
華僑篇
28. 離鄉別井海外謀，只為親人免饑愁
29. 爆仗響,賀新年。啊爸去金山賺錢，賺得金銀成萬兩，返來起屋又買田。
30. 十壹月冬，十二月年，阿爸金山多寄錢
31. 金山客，無壹千，有八百；南洋伯，荷包大把大把；香港仔，香港賺錢香港使。
32. 牛耕田，馬食谷，老豆（父親）賺錢仔享福
生活騙（二）
33. 壹二三，雞仔爭，稔仔熟。爺爺飲醉酒。結婚要註意，嫁個農民吃燒豬，嫁個地主吃貓屎。
34. 打掌仔，拍蕉仔，蕉仔甜，割禾鐮，禾鐮利，割嗯妳個鼻。
35. 點指兵兵，點著阿誰做大兵。點指賊賊，點著阿誰做大賊。
36. 二月“昵”（累），三月昵，四月死黎黎，五月吃條粽仔補返嗮。
37. 榕樹爹，榕樹娘；三姄仔吹唔響，大個人吹嗯咖咖啾。
38. 肚臍深，裝黃金；肚臍淺，裝瓦片；肚臍突，裝果核（wua）。
39. 走得快，好世界；走得怽(慢），冇鼻哥。
40. 學識ABC，不如回家擔缸屎;。。。。（下句缺）（文革時期）
41. 擔幹1，鵝仔2，牛燕3，紅旗4，搻鈉5，蒔菇6，鋤頭7，葫蘆8，哬（勺）仔9。
42. 吃豆腐，屙棉胎；吃豆芽，屙交杯。
43. 同音雙關語：
雞蛋弲（圓）過地福。圓眼（井）大過雙埕。豆腐掟落去，墻邊唔爛。
44. 紅門閂，白雞闌（閹雞），得出嘜（唔得）入。（謎底：口水）
45. 正看九十八，倒看八十九。（字謎：雜）
46. 土地公，擔支槍，指住日頭嘜（唔得）出上，掹噍（下）耳仔三丈長。（字謎：都）
47. 木頭公仔戲，不準笑，不準哭，哭嗪笑嗪吇大碌竹。（遊戲）
48. 東南西北，囁（妳們）企到乃side（邊）。（遊戲）
49. 掉豬猳，掉上床。壹，二，三！（兩人擡起壹人，將其扔上床）
50. 男人頭，女人身，婆仔朥肬公仔腳。（取笑人）
51. 婆仔行橋，豬公嘧尿，婆仔炒米陰豬尿。
52. 壹二三，三二壹，肥婆跳舞爭第壹。
53. 哈個哧，崩個鼻，冇乜所謂。
54. 噥噥嗟，妳冇吃，牛屎撻背脊。
55. 狗毛蟲，囔囔弓…….（缺）
56. 舞草龍，舞草鳳，落水過田洞。
57. （新近）著新衫，過新年，大紅春聯掛門前。著上新衫紅艷艷，吃“祰”（塊）糖果滿口甜。人人真心喜，家家戶戶煮油糍。油糍哱哱響，家家門口燒爆仗。爆仗滿天紅，家家掛起紅燈籠。燈籠紅似火，家家門楣掛桔果。桔果個個紅，家家戶戶系富翁。
新年到，掛燈籠，賀年鑼鼓響叮咚。男女老少同祝賀，滿面笑容又鞠躬。恭喜妳健康，合家笑融融。恭喜六畜旺，恭喜五谷豐。恭喜行好運，家家財運通。吃過開年飯，萬事開年紅。僑鄉再騰飛，國運更昌隆。僑鄉再騰飛，國運更昌隆。
熟語
58. 落地開花，富貴榮華
59. 手指指，摸雞屎。
60. 沙塵滾滾有錢冇錢，整下吇過年。
61. ，荷包毛兩蚊（元）；
62. 雞婆踲谷籮。（做事慢慢吞吞）
63. 等就久，望就醜。（等到不耐煩）
64. 偷雞唔到蝕摣米。
65. 反轉豬肚就系屎。
66. 狗仔跌落屎坑吃餐飽。
67. 憎雞連籠；
68. 死牛壹邊頸；
69. 馬死落地行。
70. 家有壹老，如有壹寶。
71. 死黎黎（累），生個仔裹（起名）阿齊；
72. 三只狗仔數過夜。
73. 妳敬我壹尺，我尊妳壹丈；
74. 跌倒嘩（抓）返（回）摣沙；
75.
諺語
76. 蟬啾，荔枝熟。圓眼開花未有核（wua）
77. 酉時有燈火，戌時吷上床。
78. 初壹十五水頭起。
79. 七唔出，八唔歸。
80. 四月八，落水汃。
81. 北風紙扇南風襪。
82. 未吃五月棕，寒衣未撿籠；
83. 夏至狗，冇處走。
84. 大暑小暑，有米懶煮。
85. 兩耳裝風，惡過雷公。（兜風耳）
86. 光頭莯莯渻燶粥。
87. 半桶水，挵挵潎。（壹知半解，心高氣傲）
88. 口多人身賤，口少人低情，手多要賠錢
89. 未講先笑，其言必妖。
90. 讀書望考試，耕田望養豬。
91. 臨渴掘井，臨嫁錐耳。
92. 貴人出門風雨多
93. 死雞撐硬頸；
94. 蛇有蛇路，鼠有蛇路；
95. 未乞過米，唔（不）知狗狼（惡）；
96. 呃（騙）得壹時，呃（騙）唔（不）到壹世；
97. 窮在路邊無人問，富在深山有人尋。
98. 起壹間屋，吃三年粥.
99. 得（能夠）（度）過重陽，嘜（唔得）過夏至。
100. 三三三不盡，六六六無窮。