(幕啟)
人物：張揚 科長
陳阿嫦 張揚妻子
張小慧 五年級，張揚女兒
小丹 五年級，張小慧同學，章勝軍女兒，經常因父母不在家到張揚家吃飯。
不出場人物：
周局長 張揚領導
章勝軍 張揚同事
故事概要：主人公張揚是個資深的科長，務實求幹，不喜應酬，喜歡廚藝。妻子陳阿嫦總抱怨丈夫不懂“變通”，“偷懶”不走“捷徑”。聽說張揚的下屬章勝軍又要升職，就跟丈夫吵起來，從而引發“八小時後”“爸爸去哪裏”的討論…..故事中還有兩個小女孩參與討論，用孩子的視角看成人的世界，從而說明為官要“以實幹求實績，以實績求認同，以作為求地位”的道理。
(場景：傍晚，張揚家。壹個普通家庭。客廳擺了壹張沙發，電視，電話，餐廳擺著桌椅，上面有碗筷和幾個小菜。布幕是湖景，湖面倒映著夕陽、藍天，湖面有小船，近處有古橋、榕蔭、龍舟、涼棚)
(上)
(張揚圍著圍裙，拿著鍋鏟，端著菜盤子出場)
張揚
(調寄龍飛鳳舞)(哈哈)霞光映照綠柳間，雲彩點綴著蔚藍，桃花杏花正爛漫，湖面蕩舟愛晴晚(啊)。妳再聽聽那邊湖畔灣?裊裊古韻隱約坊間，雀鳥翩翩春燕呢喃，情侶依偎把臂挽(哪)。龍舟、祠堂、涼棚，古橋、榕蔭、碧水彎，如詩如畫似真似幻，掬水弄花我心靜淡。人人話我是個好男兒，勤勞實幹勝似鳳凰男，閑來動手喜試鹹淡
(哪)。切切配配，煎煎燜燜，炒炒滾滾，嫩嫩滑滑，盡顯我手勢。
(白)忙裏偷閑嘆美食。老婆，食飯啦
陳阿嫦(貌美，打扮入時，出場)來啦!
(白)我個名叫做陳阿嫦，嫁個老公就叫張揚，人哋叫佢做張科長，佢做來做去就個科長，真系唔知點算好，唔知點算好!
講起我老公張科長，佢有才又有貌，就系唔懂人情世故世態炎涼。呢：領導做生日，人哋跑去將蠟燭點上，佢就幫人哋加班到天亮;廣東扶貧濟困日，佢就特別放心上，
捐錢比領導仲要多，真系唔知講乜好，唔知講乜好。
人哋話佢系濕水棉花──無得彈，我就話佢系海底石斑──好瘀(魚)啊!
張揚 哇，老婆，妳出來食飯嗟，使唔使著到鬼火咁靚啊
陳阿嫦 好似妳咁成身油煙啊?好心妳上進D啦，日日系廚房!
張揚 自己動手，豐衣足食嘛。
陳阿嫦 人哋落班都去穩節目，先學做人，再學做事。妳反而中意自己系廚房。
張揚 (白)老婆，宜家唔興呢壹套啦，總書記都叫我哋少D出去應酬，多D翻屋企食飯吶
陳阿嫦 (怒)妳凈系識低頭拉車，總唔識擡頭望路嘅!
(調寄平湖秋月)愁愁愁，點解就系妳不羈脫潮流，對官職缺運籌，不通人情道理註定蝕底，應該懂得要逐流。
張揚 (接唱)要戒浮躁，戒懶求幹，我自從政壹點不改變，哪怕晴雨天變，本職工作定做好，無別向艱苦也願承。
(白)俗語有話：靠人人會走，靠山山會倒，跟事業先致系長久之計啊。
陳阿嫦 (接唱)任妳才華盡吐，妳若壹概不管，只會徒將青春耗。
張揚 (接唱)寬心、寬心，要經得考驗，人生必須經風雨，塞翁失馬卻有機緣，我或鵬程將高遠
陳阿嫦 (接唱)就怕此生有若黃粱夢空空。
張揚 (接唱)何必徒增愁怨
陳阿嫦 (接唱)我家陣確系要發癲。妳唔見，而家早斷了前程。
(白)我今早聽人講單位裏面要升壹個副局長啊，唔使問，又系章勝軍啦。妳睇人哋，起點比妳低，亦做過妳下屬，而家已經系風雲人物啦!哎，真系沈舟側畔千帆過，病樹前頭萬木春。
張揚 啊?佢咁快又升職?真系天高唔算高，人心比天仲要高。
陳阿嫦 哼，佢唔系十足冇耳藤篋——靠托!
張揚 咁又未必
陳阿嫦 妳睇家下有D人，平時就：笑騎騎，聲大大──冇貨賣;
有野做就：好好好──睇唔到，繞埋手──晨早走;
領導系到就：周身郁──扮忙碌，知少少──扮代表;
有功勞就：擔凳仔──霸頭位，驚死執輸。
張揚 呢D系典型嘅“四風”問題，練精學懶。系我哋而家黨嘅群眾路線教育要糾正嘅主要問題啊!我系淡淡定──有錢剩。
陳阿嫦
我話妳烏啄啄──任人將至真喇。哎，人人都話嫁公務員好，人哋嫁公務員，我又系嫁公務員，點解人哋咁好，我咁閉翳啊，妳話啊。若系未出嫁，我早就掟左煲!
張揚 老婆，做官壹定要有真本事，要以實幹求實績，以實績求認同，以作為求地位，得到群眾嘅認可，其他都系浮雲啊。
陳阿嫦 (起身)我知道妳有原則啦!妳咪話我唔提醒妳，妳咁唔識變通啊，個女都睇唔起妳啦。我無心情食啦，妳自己食到夠啦!
(打開門)
張揚 (叫)餵，妳去邊喇?
(中)
(門外兩個小女孩穿著校服，背著書包，正欲進來)
張小慧 媽媽!
小丹 阿姨!我又來食飯啦，我爸爸媽媽又出去喇。
陳阿嫦 哦，放學啦，快D入來食飯!
小丹 妳千祈唔好講我系菠蘿雞——靠黐啊
陳阿嫦 妳只馬騮仔!
(兩小女孩放下書包)
張揚 (拍著張小慧的腦袋)：餓嘛?翻學其實好辛苦嘅。爸爸煮左妳最中意嘅餸，快D來食。
張小慧 ((高興)爸爸就系叻，系單位系工作先進，系屋企仲系個好爸爸。爸爸妳對美食咁有心得，不如開個美食專欄啦，個名就叫“舌尖上的麻湧”!
張揚 嗯，都好，專門介紹麻湧美食，講唔定我嘅作品好快就可以好似麻湧香蕉咁樣名揚四海!
陳阿嫦 (挖苦)妳爸爸無第樣叻，最拿手就系煮餸呢招啦!反正就比唔到妳幸福。
張小慧 媽媽妳錯啦，我覺得幸福就系好似宜家咁樣，爸爸時時系仔女面前，仔女亦系父母面前，然後平平淡淡，平平安安。
張小慧 (調寄雙飛蝴蝶)攜手度春秋，***賞春花滿月天。似牛母舐深情，相依相偎笑並肩。
張揚 (接唱)今生今世熱愛心不變。
張小慧 (接唱)壹生壹世樂似春歸燕。
張揚 (接唱)兩相牽，笑聲喧，知心若似前世姐妹。
張小慧 (接唱)哪管罡風摧折，只因爸爸伴我。
張揚 (接唱)只因乖女伴我，護苗哺幼盡享樂無邊。
張揚 (白)所謂幸福家庭個個相似，幸福其實很簡單。(豎起手指頭)叻!有老豆真傳!明天帶妳去華陽湖放風箏!
小丹 (眼眶紅)小慧妳真系幸福，我已經三日無見到爸爸啦。他日日去應酬，我都見唔到佢面
張小慧 妳媽媽呢?
小丹
我媽媽中意出去打麻將，有時索性在朋友家過夜。我嫲嫲唔滿意媽媽成日出去，婆媳二人起紛爭，妳壹言我壹語，媽媽鬥氣番娘家，嫲嫲亦番去鄉下。妳睇下，我宜家其實系個孤兒。
(調寄寄生草)冷冷雨夜尋父母，風吹搖曳黑影疊重重，只是誰個會憐愛伴床邊，我燈昏夢醒哭叫無人;橙色小燈需通宵點開了，午夜房門長合閉，僅此得溫暖。
張揚 (接唱)怨只怨應酬人情無力變，犧牲團聚罔顧家小為前程。
小丹
(白)我去番學嘅時候，我好羨慕個D爸爸踩住單車送佢哋去翻學嘅同學仔，大家有講有笑。我特別羨慕妳屋企好溫暖，爸爸落班就番來同妳壹齊，我屋企冷清清，我也不想回去。
張揚 妳唔翻屋企去邊?
小丹 去玩啊。
張揚 嚇?咁樣好容易學壞哦，細細兜，容易媾。
小丹
我屋企好虛偽，爸爸媽媽人前扮對我好，需要我嘅時候，就帶我去應酬，每次應酬完，就猛鬧我呢度唔啱，個度唔啱，鬧我不懂禮貌，唔夠得體，唔夠醒目。從細到大，我無開心過壹日!
陳阿嫦 小丹，妳唔好怪妳父母，佢哋咁樣都系為左工作上面有所突破，等妳嘅日子可以過得好D
小丹 (怒)哼，佢哋根本就系為左佢哋自己!
(調寄妝臺秋思)父親愛似雲煙,整天是為名利，我僅似只棋子,實情我嘅生存亦多余
陳阿嫦 (接唱)吃驚處我怎生是,小娃說話太偏激，妳錯怪他們，莫怨親慈，親恩豈可會抹去成白字
小丹 (接唱)佢真正是糊塗極了，只愛曲意攀附，求神問政更多余，威風嗟來散也容易
陳阿嫦 (接唱)世事..似玄機參不透，有些事..孩兒卻看得清楚
小丹 (接唱)實幹夢可園，怕只怕無本事，怕爸爸以後難有所依。看柳蔭歸家亦有簾外燕，人卻要離家拋親兒
張揚 (接唱)我暗自吃驚小年紀猶自見，只怨父母偏不見，染盡了春光亦是枉然，輕率錯過了兒女成長。
小丹 (白)我諗到爸爸媽媽就憎佢哋，就猛食，因為食我就會覺得好幸福。而家我經常胃痛(欲哭)
張小慧 系啊，她上課咯過血。
陳阿嫦 (轉過頭對張揚)：小丹平時睇落好活潑，古靈精怪咁，原來小小年紀咁多心事啊，仲好自卑添啊。
張揚 小丹悟性比小慧高，但系長期被忽視，太危險喇。妳成日好似陳年中草藥發爛渣，話我唔跟潮流，唔通妳想我們嘅女兒都變成咁樣?
張小慧 媽媽，妳唔好成日鬧爸爸，爸爸系堅持自己嘅正能量，系個好男人，我對爸爸有信心。
張揚
哈哈，大家唔見國家嘅“八項規定”、“六項禁令”出來之後，我哋既政風行風都轉變左啊，以後啊，公務員肯定都系好男人，唔食煙，唔飲酒、唔賭錢、唔去娛樂場所，更唔會亂媾女。妳哋有無見到畫總書記嘅壹副漫畫啊，漫畫裏面，佢將壹枚紅色大印章罩系壹只鳥籠裏面，代表佢將權力關入制度嘅決心啊。
陳阿嫦 即系話以後做老婆，吾使自己教育，自然有組織教育。
張揚 對，有執行就有力度。所以啊，我哋要有人生追求，腳踏實地走好每壹步，要低調做人，高調做事。
陳阿嫦 不過最緊要系要進步，賺到錢心裏面安定。
張揚 妳又來喇。現在嘅社會保障咁好，生老病全包，只要跟著***產黨走，有乜野好擔心!錢生不帶來，死不帶走!
陳阿嫦 錢可以留比個女啊!
張揚
兩百年前林則徐就講過“留錢無用”：仔女如果好似我咁樣有作為，留錢比佢哋做乜野呢?既然佢哋有德有才，錢就會損害誌向。人要奮鬥才能夠有自信，有夢想，才能夠有幸福感，人生才有意義。妳唔見而家都宣傳“中國夢”嗎?如果我哋替佢哋奮鬥左，佢哋永遠都無法享受到成功嘅喜悅同滿足。
陳阿嫦 如果仔女無本事總要留錢喇吧?
張揚 林則徐又講，仔女如果唔叻，留錢比佢哋更加唔妥，佢哋凈系識洗錢，犯錯機會仲多。妳唔見新聞上面幾多“李某某、郭某某”啊。
陳阿嫦 (低頭)我只系唔想個女同我哋咁樣挨苦
張揚 每壹代人都會有這壹代人嘅經歷，我哋無辦法預計，更加無法替他們承受。我哋都挨過苦，但是比起上壹輩幸福好多喇。
(調寄月圓曲)幾經苦不是苦，遇憂患心誌定，認真幹不推卸，不無為過壹生。山高路遠，永合步奔前程。
我哋系度奮鬥，亦享受緊奮鬥帶來嘅幸福。況且，而家我哋國家繁榮興旺，呢壹代人會挨乜野苦啊?
張小慧 媽，人哋外國嘅富豪都喜歡將錢捐出去，仔女都自己奮鬥。
陳阿嫦 (反駁)問題系我而家都要等人捐比我呢!講來講去，就系偷懶唔想進步!
(下)
(電話響起)
張揚 (接電話)餵
周局長 張揚，恭喜妳啊，妳要升職啦!
張揚 啊?點解系我啊?我無同組織提過要升職啊?
周局長 (笑)哈哈，我就系中意妳個人實在。路遙知馬力啊，妳系匹好馬啊，跑耐左就知道妳厲害喇，聽日來我辦公室再傾啦!
張揚 (激動哋敬禮)系!多謝領導!
陳阿嫦 (呆呆哋)原來要升職嘅系我老公啊
(回過神，大喜，拍掌)終於守到雲開見月明啰!
(調寄紅豆曲)壹朝風雲際遇，從此吐氣揚眉，心花經怒放，看我把前程創!
(嬌聲)老公….
張揚 (板起臉)真系女人心，海底針，我都受夠妳個扭紋柴啦。(往外走)
陳阿嫦 (叫)餵，妳去邊啊?
張揚 (打開門)妳自己食到夠啦!
張小慧 媽媽妳平時總系吹錯風，總系要趕爸爸出去，爸爸今次真系走啦!
陳阿嫦 (急，跺腳，追，下)老公….
(兩女孩捂嘴相視而笑，幕下)