（壹）天河城不可解析既死人事件。天河城開業以來壹***死左4個人。
1.響裝修期間，有個裝修師父響中庭（天河城中間，類似天井，可以望到吉之島果個位置）所搭既臨時棚架上，失足跌落B1吉之島。奇怪既系，個裝修師父當時系幫左安全帶，安全帶將距個身同埋棚架扣埋壹齊。距跌落去果陣安全帶仲扣住個棚架，個扣無松開。事後公報話個裝修師父自己除左安全帶,失足出事。點解個裝修師父要戴安全帶上去，又除左呢？除左可能系為貪方便，但貪方便做乜要將個扣重新扣埋呢？都唔合邏輯，但答案無人知～～
2.響98年，有個男人懷疑響天貿南大洗假銀紙，當收銀員對距所比既銀紙檢查時，果個男人可能做賊心虛跑左出去。當時商場保安即刻通知大門保安攔截。結果果個人系撞玻璃沖出去。（天河城正門既玻璃系響日本訂做，高十幾米，厚30厘，成十幾萬$。）玻璃比果個男人撞左個人形大窿，果個男人壹直跑到出邊人行道終於支持唔住訓低左～～當時留低壹條50幾米既血跡。去過天河城既朋友都知道，天河城個正門有大細4個門。壹個保安點攔住甘大個門？而且其他玻璃上都明顯貼左防撞條。有門唔行，撞玻璃！仲有，塊玻璃系鋼化玻璃壹爛就應該全部碎曬，點解會留個人形響度？除非果個人當時既速度快過子彈啦！有甘快邊有人攔得住啊！仲使咩撞玻璃啵！真系好古怪～～
3.天河城開業最初系由武警駐守既。每晚每個樓層都有壹個武警值班。有壹個武警死左響宜家天河城東南塔4樓。屍體系第日發現，個武警死狀好似訓覺甘。相信當時個武警響度訓覺，到死果陣都未知咩事～～驗屍報告講屍體無病理死亡跡象，屍體左腳腳趾公有兩點直徑0.5毫米血孔，系被不明物體刺穿。死因不明～～唔通天河城有蛇？但比蛇咬死應該有癥狀可尋架！點解查唔出來呢？唔通系僵屍！無人解析得到～～ (發表在有間鬼屋
4.響天河城4樓北面，以前有個溜冰場。99年夏季，有個16歲女仔，同朋友壹齊踩lou期間，突然撞向墻邊不醒人事。事後送院不治死亡～～據驗屍報告稱死者死於突發心臟病。據當時記錄所得，個女仔系自己壹個踩緊，身邊無人。點解會突然撞埋墻？仲有據個女仔家人講，個女仔從來都未發現有心臟病，屋企人都無心臟病史。點解個女仔死於心臟病呢？就算撞埋墻，都唔應該引起心臟病發架！去過果度踩lou既人都知道，為左防止意外，果度D墻系全部鋪曬軟墊。除非速度好快，米應該唔會撞到死人甘大件事！真系唔知點解析～～ 以上發生既事都可以話系意外，但下面所講既真系解析唔到～～ （二）天河城既白影之謎。
1.2000年夏季既壹個夜晚3點幾，有壹個PA（清潔員工）向當晚值班既管理員報告，向4樓北面（上文提到既溜冰場當時已經結業退場，並用木板封閉，至今都壹直未開放）見到壹白色人形物體出現。管理員將情況立即向總值經理報告，總值經理安排10名保安、兩名管理員進入該未開放區域查明原因。經過1個多小時查找，未有發現任何可疑事物。為進壹步查明原因，總值經理要求保安部查看當時既監控錄像。錄像記錄系3：08時，舉報事件既PA響4樓北面打緊蠟，突然個PA好似被咩野吸引住，向未開放區域呆呆甘望左成分幾鐘，之後就掟低曬手到D工具跑走左。但整個過程鏡頭就得果個PA，其他咩都睇唔到。事後當晚既總值經理將事件詳細記錄於交接班部內，向老總匯報。而當事人（即系果個PA）第二日開始就壹直請病假，後尾被天河城炒左～～
2.響天河城六樓美食坊，東北面有條十幾米既通道。通道裏面有壹個洗碗間、壹個倉庫、壹條唔開既貨梯，系壹條掘頭路。有個夜晚（sorry唔記得左幾時）01：30時，兩個保安巡更（天河城既保安夜班00：30時開始巡更,每層都有壹個保安留守。）到左呢到，同時見到壹個白影好快甘入左呢條通道，當時通道系無開燈既。兩個保安迅速打開通道燈，行入去檢查，通道裏面咩野都無，檢查所有房門都系上曬鎖既～～ 3.2001年春季，壹個夜晚2：00時。兩個夜班管理員，去五樓西北塔簽到（五樓西北塔有壹本巡更簽到表。進入塔樓既通道系壹條3米幾闊，二十幾米長既通道，兩邊全部系落地玻璃）。兩人同時見到壹個白影從通道掠過，白影返照響兩邊玻璃到，化成幾十個白影（玻璃裏面都系買古董家私既，晚黑收工都熄曬燈。因為甘外面光，裏面黑，形成左鏡面）。兩個人比當時既情景嚇到呆左，跟住就飛甘腳跑左去。事後兩個人分別同我講起呢件事，都講清楚見到個白影系個人形，有頭發，同埋隱約見到五官～～